Sujeto femenino y palabra poética. Estudios críticos de la poesía de Juana de Castro de Sharon Keefe Ugalde (ed.). Córdoba, Diputación de Córdoba, 2002

Abstract

Nin Juana Castro nin Sharon Keefe Ugalde precisan presentación entre aqueles que lle sigan o rastro á poesía española recente de autoría feminina. Juana Castro (Villanueva de Córdoba, 1945), vén artellando desde 1978, ano no que aparece Cóncava mujer, o seu itinerario poético, que cadra co xurdimento do suxeito feminino a finais do século XX e abrangue desde a rebelión contra os patróns xenéricos do sometemento (contra a vara de medir e o canon) deica o tópico da estranxeiridade. Abonda con ler toda a súa obra poética para albiscar a andaina das outras mulleres que se empeñaron en revirar a herdanza patria e aquelaron praza pública para as amordazadas, as inmobilizadas, as denigradas, as expulsadas... é dicir, as mulleres, ou con máis precisión, as mulleres occidentais como categoría histórica non homoxénea que comparte unha mesma experiencia de partida, o sometemento.